Fótbóltstroyggjufríggjadagur

Týsmorgun fingu okur øll í mið- og hádeildini eina avbjóðing frá Katrine og Sofie. Tær báðar lesa til lærara í Danmark og hava nú í eina tíð verið her hjá okum í starvsvenjing. Avbjóðingin var stutt og greið: Latið tykum í eina fótbóltstroyggju fríggjadagin! Tær lovaðu, at tær skuldu lata eina krónu hvør fyri hvønn næming og hvørt starvsfólk, ið var ílatin eina fótbóltstroyggju, til Børnecancerfonden!

Løtan byrjaði við morgunsangi. Christian í 9. og Tróndur spældu undir, meðan TB-sangurin rungaði í fimleikahøllini. 

TB, Føroyar, Liverpool, Sumba, Royn, Manchester United, VB, Arsenal, FC Suðuroy ... nógv vóru liðini, ið vóru umboðað, og áðrenn myndatøkuna settu Sofie og Katrine gongd í eitt spæl: Stein, saks, pappír, og tann, ið tapti, skuldi fylgja vinnaranum í at heppa upp á liðið, ið vinnarin "umboðaði". Hetta var stuttligt, men ikki var altíð lætt at heppa á ein "rival" :-)